Bio

Nada en Santiago de Compostela en 1994, Rosalía comeza a súa formación pianística aos 5 anos con Alexander Gold e María José Cerviño. Posteriormente cursa Bachelor Degree con Alan Weiss no Utrecht Conservatory (Holanda) e Master Performance con Claudio Martínez Mehner na Musik Akademie Basel (Suíza). Paralelamente especialízase en Música Antiga, estudando clavicémbalo com Siebe Henstra e Jörg Andreas Bötticher e fortepiano con Edoardo Torbianelli na Schola Cantorum Basilensis. Actualmente realiza o Solistin Diplom na Musik Akademie Basel.

O seu desenvolvemento viuse enriquecido polo consello de músicos como Kennedy Moretti, Anton Kernjak, Christian Bezuidenhout, Fou Ts’ong, Rita Wagner, Menahem Pressler, Galina Egyarzarova, Dimitri Bashkirov, Andras Schiff, Elisabeth Leonskaja e Ferenc Rados, entre outros.

A súa intensa actividade concertística levouna a diversos escenarios en España, Holanda, Austria, Francia, Portugal, Bélxica, Suiza, Alemaña, Rusia, Exipto e Estados Unidos. Destacan os seus debuts no Concertgebouw Amsterdam (2013), Palau de la Música Catalana (2015) e Cairo Opera House (2016), así coma a súa participación no Festival Moscow Meets Friends na capital rusa e o International Keyboard Institute and Festival en Nova Iorque.

Tras gañar concursos coma o XVI Concurso de Piano Infanta Cristina (Madrid, 2012), o XV Cicle de Primavera (Barcelona, 2012), etc; en 2013 obtivo o 1º Premio no Concurso Young Pianist Foundation de Amsterdam –xunto co Laureates Award e o premio ás mellores interpretacións de Sonata Clásica, Schumann e Música Moderna. Dende entón actúa con frecuencia nos principais auditorios holandeses.

Conta cunha ampla experiencia como solista, tendo traballado con directores da talla de Philippe Herreweghe ou Ahmed el Sali; e orquestras coma a Real Filharmonía de Galicia, Orquesta Presjovem, deOrkestacademie, Orquesta Gaos, Noord Nederlands Orkest, Nederlands Jonge Orkest, Cairo Symphony Orchestra e Basel Symphony Orchestra.

O seu gran interés pola Música de Cámara levouna a festivais coma o International Chamber Music Festival “Joaquín Turina” (Sevilla), Storioni Festival (Eindhoven), Delft Chamber Music Festival, e o Shiermonnikoog Chamber Music Festival.

Foi eloxiada por críticos e importantes personalidades musicais pola súa sobresaínte madurez artística. En 2015 o xornal El Correo Gallego otorgoulle o título de Galega do Ano pola súa destacada traxectoria.

 

Descargas: